تدري وش اللي يذبح القلب ياقلـب
ياقلب جيتك وافهم العلـم ياقلـب
اللي تحبه يموت في حـب غيـرك
كم قلتلك ياقلب خله علـى جنـب
يمكن مسيره يستـوي مـع مسيـرك
الدرب واضح بس لا تجهل الـدرب
اللـي يحبـك دايـمٍ يستشـيـرك
ماهو مثل صاحبك عايش على الكذب
وان ماكـذب يمـوت الله يجيـرك
تبي الصراحه مالك ومـال هالقـرب
ماهو كفو شرواه يصبـح عشيـرك
انا ادري انه تـرف وصغيـر وذرب
لا كن مصيره يختلف عـن مصيـرك
لا تحسبـن السالفـه كلهـا لعـب
اصحى معي من شان يصحى ضميرك
اللي تحبـه صعبـه شـوي ينحـب
قلـه يـروح وكثـر الله خـيـرك
تدري وش اللي يذبح القلب ياقلـب
انك تحب انسـان ويحـب غيـرك