اربع ثواني

ماقد طلبت وقلت لك مقدر اعطيك
ولاقد جرحت وقلت لك : انت جاني


.,,.


وماقد سهرت الاوعيني تراعيك؟
ولاقد رقدت الاوطيفك لفاني


.,,.


بس الغريب اليوم ماعاد اعنيك
وماعاد تفرق لو شكيتك زماني



.,,.



بي دمعة ٍ لو شفتها يوم تبكيك؟
صارت بغيابك ماتفارق مكاني



.,,.


دمعة غريبه يوم حلت خطاويك
سالت تقول اليوم خلي نساني



.,,.



حتى الدمع بعيون خلك يناديك
دمعي على فرقاك والله كواني



.,,.



اربع ثواني عشتها هايم ٍ فيك
هذا وهي ياصاحبي (4 ثواني) !!



.,,.


وشلون لازادت ليالي بطاريك؟
خايف مع الايام انسى اخواني



.,,.



ليتك تشوف الدمع بعيون مغليك
يمكن مع الايام ترجع عشاني



.,,.



وكانك رجعت بيوم ماعاد ابغيك
خلاص ياكفى مامضى من زماني



.,,.



اول شريتك يوم انا مغرم ٍ فيك
واليوم بعتك يوم قلبك نساني



.,,.



دور على غيري يحبك ويغليك
حاول تحب وتخون انسان ثاني



.,,.



ماهو خطا قلبي اذا قام يبكيك
هذا خطاء حظي وغلطة زماني